Аймаг, нийслэл, сум, дүүргийн Иргэдийн төлөөлөгчдийн хурлын төлөөлөгчдийн ээлжит сонгууль 2020 оны 10 дугаар сарын 15-ны өдөр болно. 

Орон нутгийн Хурлын сонгуулийг аймаг, нийслэлийн нутаг дэвсгэрийн хэмжээнд аймаг, нийслэлийн сонгуулийн хороо, сум, дүүргийн нутаг дэвсгэрийн хэмжээнд сум, дүүргийн сонгуулийн хороо, сонгуулийн хэсэгт хэсгийн хороо зохион байгуулж явуулдаг. Сонгуулийн хороонд сургалтад хамрагдаж, гэрчилгээ авсан төрийн захиргааны болон төрийн үйлчилгээний албан хаагчийг томилон ажиллуулуулдаг. Сонгууль зохион байгуулах бэлтгэл ажлын хүрээнд аймгийн Сонгуулийн хороо 2020 оны 9 дүгээр сарын 18-ны өдөр суманд ажиллаж сонгууль зохион байгуулах ажлын талаар заавар, зөвлөмж өгөв. Мөн сонгогчдийн нэрийн жагсаалтыг хэсгийн хороо тус бүрээр гаргаж хүлээлгэн өглөө.