Сумын Сонгуулийн хорооноос 10 дугаар сарын 15-нд болж өнгөрсөн сумын ИТХ-ын сонгуулийн дүнг сумын ИТХ-ын дарга Г.Мэндсайханд өргөн мэдүүллээ. Энэ удаагийн аймаг, сумын Иргэдийн Төлөөлөгчдийн Хурлын  сонгуулийн сонгогчдын нэрсийн жагсаалтад 1784 сонгогч бүртгэгдсэнээс 1259 сонгогч буюу нийт сонгогчдын 70,57 хувь нь саналаа өгчээ. Аймгийн ИТХ-ын төлөөлөгчийн 1 мандатын төлөө 2 нэр дэвшигч өрсөлдсөнөөс сумын АН-аас нэр дэвшигч Н.Болдбаатар сонгогчдын 50.44%, сумын МАН-аас нэр дэвшигч Д.Буянбат сонгогчдын 46.78% санал авсан байна. Сумын ИТХ-ын төлөөлөгчийн 21 мандатын төлөө 40 нэр дэвшигч өрсөлдсөнөөс сумын АН -13, сумын МАН- 8 суудал авчээ. Сонгуулийн санал авах 5 хэсгээс 2 хэсэгт хяналтын тооллого хийгдсэн ажээ.

Та бүхэн сум орон нутагтаа ээлтэй бодлогыг хэрэгжүүлж, аливаад үлгэрлэн манлайлаж, амжилттай сайн ажиллаарай. Амжилт хүсье.