Хүн худалдаалах, албадан хөдөлмөр эрхлүүлэх, бэлгийн дарамтанд оруулах, хүч хэрэглэн эрхэндээ байлгах зэрэг гэмт хэрэг, түүнтэй холбоотой асуудлаар олон нийтэд хэрэгтэй бүхий л мэдээллийг нэгдсэн байдлаар хүргэх, соён гэгээрүүлэх зорилгоор Гэмт хэргээс урьдчилан сэргийлэх ажлыг зохицуулах зөвлөл, НҮБ-ын Олон Улсын Шилжилт Хөдөлгөөний Байгууллага (ОУШХБ)  хамтран үндэсний хэмжээнд “Мөрөөдлийн шүхэр” аян өрнүүлжээ.  Уг аяныхаа хүрээнд зорилтот бүлэг, тодорхой байршлын хүрээнд судалгаа хийж, олон нийт энэ төрлийн гэмт хэрэг, түүний гаралтын тухай хэр ойлголт буйг тодруулж, шаардлагатай мэдээлэл түгээн дэлгэрүүлэх чиглэлд ажиллаж байгаа юм.