Даланжаргалан суманд “Ковид-19” цар тахлаас урьдчилан сэргийлэх вакцинжуулах ажил дөрөвдүгээр сарын 6-нд эхэллээ.
Эхний удаа 190 тун вакциныг халдварын эрсдэл бүхий обьектод ажиллаж байгаа сумын Онцгой комиссын бүрэлдэхүүн, Цагдаагийн хэсэг, Эрүүл мэндийн төвийн ажилтнууд, багш нарт хийж буй юм. Вакцинд хамрагдсаны дараа тухайн хүний бүртгэлтэй утсанд дараагийн тунд хамруулах мэдээлэл мессежээр ирэх бөгөөд эхний тун хийлгэснээс хойш 28 хоногийн дараа хоёр дахь тунг хийлгэх аж.
Эмийн харшилтай хүмүүс энэ вакцинд хамрагдаж болохгүй гэж албаныхан зөвлөж байна. Эл вакцин нь БНХАУ-аас нийлүүлж байгаа “Синофарм” компанийн гарган авсан вакцин юм.
