Сумын Иргэдийн Төлөөлөгчдийн Хурлын Анхдугаар хуралдаан 10 дугаар сарын 25-ны өдөр 100 хувийн ирцтэйгээр хуралдлаа. Анхдугаар хуралдааныг насаар хамгийн ахмад төлөөлөгч Г.Мэндсайхан даргалж удирдан явууллаа.Сумын Иргэдийн Төлөөлөгчдийн Хурлын Анхдугаар хуралдаанаар 21 төлөөлөгчийн бүрэн эрхийг баталгаажуулан сумын Иргэдийн Төлөөлөгчдийн Хурлын төлөөлөгчийн үнэмлэх, тэмдгийг гардуулан өглөө.Мөн Сумын Иргэдийн Төлөөлөгчдийн Хурлын даргаар сумын 2-р баг буюу 2-р тойргоос төлөөлөгчөөр сонгогдсон Эрдэнийн Сүхбаатарыг хуралд оролцсон төлөөлөгчдийн 52.4% саналаар сонгож, 1-р баг буюу 1-р тойргоос төлөөлөгчөөр сонгогдсон Отгонготовын Баярсайханыг хуралд оролцсон төлөөлөгчдийн 52.4% саналаар сумын Засаг даргаар томилуулахаар нэр дэвшүүлэн аймгийн Засаг даргад уламжлахаар шийдвэрлэв.
