Монгол Улсын шинэ Үндсэн хуулийн нэрэмжит шатар сонирхогчдын улсын аварга шалгаруулах 12 дахь удаагийн тэмцээний анхан шатны тэмцээнийг 2024 оны 11 дүгээр сарын 23-ны өдрийн 10 цагаас сумын Засаг даргын Тамгын газрын Иргэний танхимд иргэдийн дунд, Улс тунхагласны 100 жилийн ойг тохиолдуулан залуучуудын хөгжлийн дэмжих, эх оронч үзлийг төлөвшүүлэх зорилгоор 2024 оны 11 дүгээр сарын 27-ны өдрийн 10 цагаас сумын Ерөнхий Боловсролын Сургуулийн биеийн тамирын зааланд сумын Заан болон залуу бөхчүүдийн барилдааныг тус тус зохион байгууллаа.
Монгол Улсын шинэ Үндсэн хууль батлагдсан өдрийг тохиолдуулан Улсын Их Хурлын даргын ивээл дор зохион байгуулагддаг шатар сонирхогчдын улсын аварга шалгаруулах тэмцээний анхан шатны тэмцээний Эрэгтэй төрөлд 1 дүгээр байр Ц.Уламбаяр, 2 дугаар байр Ч.Лхагвагэрэл, эмэгтэй төрөлд 1 дүгээр байр эзэлсэн Б.Хулан нарт шатар сонирхогчдын "Аймгийн аварга шалгаруулах тэмцээн"-нд оролцох Монгол Улсын Их Хурлын даргын БАТЛАМЖ-ыг гардуулан өглөө.
Хүчит бөхийн барилдаанд 24 бөх зодоглосноос Хэнтий аймгийн Дархан сумын харъяат, сумын заан Н.Идэрбат түрүүлж, Дорноговь аймгийн Эрдэнэ сумын харъяат, сумын заан Ч.Эрдэнэ-Өлзий үзүүрлэв. Шөвгийн дөрөвт Дорноговь аймгийн Даланжаргалан сумын харъяат, сумын заан Т.Алтандөш, Хэнтий аймгийн Бор-Өндөр сумын харъяат, сумын заан С.Гантулга нар тус тус шөвгөрлөө. Мөн “Уран барилдаанч” бөхөөр Дорноговь аймгийн Даланжаргалан сумын харъяат, залуу бөх М.Равжир шалгарлаа.
