Сумын Иргэдийн Төлөөлөгчдийн Хурлын сонгууль ирэх аравдугаар сарын 19-нд болно. Сонгуулийн ерөнхий хорооноос гар­гасан сонгуулийн үйл ажиллагааг зохион байгуулах хуваарийн дагуу сумын сонгуулийн хороо нэр дэвшигчдээ бүртгэж дууслаа. Даланжаргалан сум 5 тойрогт хуваагдсан бөгөөд нийт 21 мандатын төлөө 45 нэр дэвшигч өрсөлдөхөөр бүрт­гүүллээ. Өөрөөр хэлбэл 45 нэр дэвшигчийн 21 нь сумын Иргэдийн Төлөөлөгчдийн Хурлын төлөөлөгчөөр сонгогдох юм. Сумын сонгуулийн хороо нэр дэвшигчдийн үнэмлэхийг санал хураалт явуулах өдрөөс 22 хоногийн өмнө буюу энэ сарын 29-ний дотор олгож дуусна. Нэр дэвшигчид сурталчилгаагаа аравдугаар сарын 1-нээс эхлүүлнэ.