Аймгийн сонгуулийн хорооны 2016 оны 08 дугаар сарын 12-ны өдрийн 01 дугаар тогтоолоор сумын Сонгуулийн хороо байгуулагдан ажиллаж байна. Энэ удаагийн сонгуулиар Даланжаргалан суманд 5 санал авах байр ажиллах бөгөөд эдгээр санал авах байранд ажиллах ахлах зохион байгуулагч, зохион байгуулагч нарыг сумын Сонгуулийн хорооноос томилоод байна. Ахлах зохион байгуулагч нар нь сонгуулийн санал хураалтыг шууд удирдан зохион байгуулах эрх бүхий албан тушаалтан юм. Хэсгийн санал авах байруудыг сумын төвийн багууд дээр байгуулахаар тогтлоо. Сонгуулийн тухай хуулийн 87 дугаар зүйлийн 87.2 дахь заалтын дагуу санал авах байрны байруудыг нийтэд зарлан мэдээлэх болно.