Сумын Иргэдийн Төлөөлөгчдийн Хурлын төлөөлөгчдийн сонгуульд нэр дэвшигчид 2016 оны 10 дугаар сарын 01-ний өдрөөс сурталчилгаагаа албан ёсоор эхлүүлсэн. Сонгуулийн сурталчилгаа 17 хоног үргэлжилнэ. Иргэдийн зүгээс нэр дэвшигчдэд тавих хяналтыг сайжруулах зорилготойгоор нэр дэвшигч сурталчилгаагаа хийж явахдаа Сонгуулийн тухай хуулийн холбогдох заалтуудыг зөрчсөн тохиолдол гарвал иргэд цагдаад мэдэгдэж байх тухай хуулинд шинэ заалт орсон. Хууль бус сурталчилгаа явуулж байгаа тухай баримттайгаар мэдээлэл өгсөн тохиолдолд тухайн иргэнд сонгогчийн саналыг авах зорилгоор тараасан эд зүйлийн үнийн дүнг 20 дахин нэмэгдүүлсэнтэй тэнцүү хэмжээний мөнгөн урамшуулал олгох хуулийн заалт үйлчилж байгаа.