Уулзалтын үеэр аймгийн Засаг  дарга Т.Энхтүвшин Засаг даргын 2016-2020 оны үйл ажиллагааны хөтөлбөрийг ард иргэдэд танилцуулж, тус суманд тулгамдаж буй зарим асуудлуудаар ард иргэдтэй харилцан санал солилцсон.
Ард иргэдээс уул уурхайн компаниудын үйл ажиллагааны талаар голчлон тодруулсан бөгөөд 11 сарын эхээр болох Дорноговь аймагт үйл ажиллагаагаа явуулж буй уул уурхайн компаниудын дунд зохион байгуулагдах “Хариуцлагатай уул уурхай” зөвлөгөөний үеэр иргэдээс санал асуулга авч, уул уурхайн компаниудын үнэлэмжийг тодорхойлуулж, үйл ажиллагаагаа явуулах, цаашид уул уурхайн компаниудын татварыг аймаг, сум, орон нутагтаа төвлөрүүлэх, орон нутагт үйл ажиллагаагаа явуулж буй  уурхайн компани нь тухайн орон нутгийн иргэдийг ажлаар хангах, орон нутгийн тээврээр тээвэрлэх, тухайн бүс нутгийн аж ахуйн нэгж, байгууллагуудыг дэмжин ажиллах болон  сум орон нутагт томоохон бүтээн байгуулалт хийх  зэрэг шаардлагуудыг хангасан уурхайтай болгоно гэсэн юм.

Уулзалтын дараагаар аймгийн удирдлагууд сумын төрийн байгууллагуудын үйл ажиллагаатай танилцлаа.