Сургуулийн насны хүүхдэд замын хөдөлгөөний дүрмийн мэдлэг олгох, замын хөдөлгөөнд аюулгүй оролцох дадал эзэмшүүлэх, замын хөдөлгөөний аюулгүй байдлын эсрэг гэмт хэрэг, ослоос урьдчилан сэргийлэх зорилгоор АЙМГИЙН ЕРӨНХИЙ БОЛОВСРОЛЫН СУРГУУЛИУДЫН ДУНД “НОГООН ГЭРЭЛ-ЦАГААН ШУГАМ 2016” ТЭМЦЭЭНИЙГ 2016.11.12-ны өдөр Аймгийн Гэмт хэргээс урьдчилан сэргийлэх ажлыг зохицуулах салбар зөвлөл, аймгийн Замын цагдаагийн тасаг, Улаан загалмайн хороо хамтран зохион байгууллаа. Тэмцээнд Алтанширээ, Айраг, Даланжаргалан, Дэлгэрэх сумдын ерөнхий боловсролын сургуулиудын баг, Сайншанд сумын 3, 5-р сургуулийн баг нийт 6 баг оролцлоо.